అన్నం లేక ఆకలితో అలమటిస్తున్నారు....
నీరు నీడ లేక నిరాశ్రయలవుతున్నారు....
పట్టా పట్టుకొని పొట్టకోసం పట్నం వెళ్లి
ఫలించక రైలు పట్టాల మీద తల పెడుతున్నారు....
ఆ మాటకొస్తే...మనీకే మకుటం లాంటి మహారాజులున్నారు...
మెదడుకే మరుపెరగని జిజ్ఞానులున్నారు...
మంచిని, మానవత్వాలను మనుషులకు చాటిచెప్పిన వారున్నారు...
అయిన ఎందుకీ ఈ దారిద్ర్యం...ఎందుకీ దారుణ మరణాలు...
డబ్బుకోసం, శాంతి అన్న గాంధిజీ గుండెకే గాయం చేస్తున్నారు...
కులమతాలు లేవన్న అంబేద్కర్ ఆశయానికే ఆటంకం కలిగిస్తున్నారు...
మనవ సేవ మాదవ సేవ అని అన్న మదర్ తెరిసాకే మచ్చగా నిలుస్తున్నారు...
అయినా...! డబ్బుకోసం ఎందుకీ ఈ మనిషికి ఆరాటం...?
ఎందుకీ తన మనసుతో ఈ పోరాటం....?
ఖ'నిజం' లా దాగున్నది 'నిజం'..
క'నికరం' లో లేకున్నది 'నికరం'...
క'సాయం' తో కలిసిపోయింది 'సాయం'....
మమ'కారం' లో పెరిగిపోతున్నది 'కారం'...
అ'న్యాయం' నకు ఆహుతి అయినది 'న్యాయం'....
రాజకీయ సం'గ్రామం' తో సతమతమగుచున్నది 'గ్రామం'...
కలహాభో'జనం' తో బ్రతుకుచున్నది 'జనం'....
'జగ'డ'ము' తో జంతర్ మంతర్ అయినది 'జగము'....
'మని''షీ'...! మరువాలి 'మని' మరియు 'షీ' లేకపోతే
ఓ మ'నిషా'..! నీ బ్రతుకులో పెరగక తప్పదు 'నిషా'...
వి'శ్రాంతి' తో మనసు పొందగలదా నిజమైన 'శాంతి' ?...
'యింత' యింత కొండనతైన చివరకు నీ వెనుక వచ్చిన'దెంత'...?
హృ'దయ'ము లో ఉదయంచాలి 'దయ'
స'హాయ'ము తోనే సంపాదించగలం నిజమైన 'హాయి'...
వి'నయం' తోనే మనసు గల రోగన్ని 'నయం' చేయగలం...
వి'శ్వాస'మే మనిషికి మంచి 'శ్వాస' అయితే...
అప'జయం' పోక తప్పదు, రాక తప్పదు 'జయం'...
సం'సారం'లో యిదే సిసలైన 'సారం'...
